دوقتور محمد حسن غروی

دونیاسینی ده ییشدی13.08.1833ـ 29.09.2009

                                                                                                                                        حورمتلی وطنداشلار

دوقتور محمد حسن غروی بیر عمورو بویو  وطن قئیدیله ، اونون  آزادلیق مستقیللی یی،  باشی اوچالیغی  آرزوسو ایله  یاناشی، وطنه قاییداراق  وطندیه ـ میللتینه خیدمت حسرتیله  یاشامیشدیر. تاسوفله  قارداشیمیز  بوتون بو آرزولاریلا 29 .09 .2009 آغیر آزارلیقدان سونرا دونیاسینی ده ییشمیشدیر.  30 .09..2009  تاریخینده  غوربت دیاردا  وطنده ن اوزاقدا  آلمانین زیگن  شهرینده  توپراغا وئریلمیشدیر. میللتیمیزین تانینمیش بو علمی سیماسی  اوزوندن 3 قیز 2 اوغول یادیگار قویموشدور. او نون گنچلیک ایللری ایران آدلانان یئرده اولان سیاسی دووره لره راسلامیشدیر. او تاریخدن باشلایاراق آزادلیق دوشگونو اولان دوقتور محمد حسن غروی   1956 ـ 1962 نجی ایللرده ایستانبول اونیوئرسیته سینده طب فاکولته سینده اوخوموشدور. او بو ایللرده  ایشچالچی اوروسلار طرفیندن  وطنینیمیز آذربایجانین قوزئی یینده ن قووولان آذربایجان دئموکراتیک جیمهورییتی نین باشچیلاریلا ، شاعیر و یازیچیلاریلا تانیش اولموشدور. بو تانیشلیق اونون حیاتیندا بویوک تاثیرر بوراخمیشدیر.  من اورتا مکتبده اولارکن او تبریزه  گه لدیکده  منه ایلک ده فعه اولاراق  وطنیمیزین 3 رنگیلی  بایراغینی  هدییه گتیرمیش ایدی. او وطنینین قوزئی نین مستقیللییه قووشماسینی  سئوینجیله قارشیلامیشدیر. جینایتکار اوروسلار وطنیمیزی تیکرار ایشغال ائتمه یه قالخدیقدا ، آلمانین بون شهرینده  کئچیریله ن  بویوک اعتیراض میتینگینده ایشتیراک ائتمیش ، میتینگین  اعتیراض مکتوبونو شخصن اوزو اوروس ائلچیسینه  تسلیم ائتمیشدیر. او 28 ایل قاباق آلماندا آذربایجان جمعیتی نین قورولماسی فیکرینی ایره لی سوره ره ک ، ایلک توپلانتی زیگن شهرینده کئچیریلمیشدیر. او فیکرین اسایندا 2 ایل سونرا  منیم و هموطنلریمین یاردیمی ایله آذربایجان کولتور اوجاغی قورولموشدور. او بوتون آذربایجان آدینا قورولان توپلانیلاردا و جشن لرده ایشتیراک ائدیب  و بو فعالیتلرین نظارتچیسی اولموشدور. آغیر آزارلیغینا باخمییاراق آذربایجانلیلار کونگوره سی نین سون قورولتاییندادا ایشتیراک ائتمیشدیر. او عمرونون سون دقیقه سینه قده ر میللتینی ، وطنینی آونون آزادلیق و مستقللیک آرزوسونو اوره یینده داشیمیشدیر. حتا ایکی هفته بوندان قاباق اونونلا اولان سون گوروشومده  بو آرزولارینی دیله گتیرمیشدیر. اونون سوزو ایله دئسک« بونلار منه قسمت اولمادی ، سنه قسمت اولاجاغینا اینانیرام.

ایندیلیک بو حاقدا بوندان آرتیق دانیشماق ایسته میره م . واختی گلدیکده بو حاقدا تفروعاتلی بیلگی وئریله جکدیر. بونودا علاوه ائتمک لازیمدیرکی ، سون ده فعه وطنه گئدیکده  دینسیز رئزیمین جینایتکالاری طرفینده  یئمه یینه زهیر قاتیلاراق  اولدورمک ایسته نیلمیشدیر. خوشبخت لیکده ن بو آلمان پروفئسورلاری طرفینده ن تثبیت ائدیله ره ک  تداوی ائدیلمیشدیر. بو تداوی 6 آیدان چوخ چکمیشدیر

دوقتور محمد حسن غروی 1962 ایلدن به ری آلماندا علمی و تداوی ساحه لرینده  چالیشمیش، حتا ایکی ده فعه وطنه قاییدیب ، اوز میللتینه خیدمت ائتمک ایسته میشدیر. حتا 6 آی تبریز اونیوئرسیته سی دوچه نتی اولاراق ایشله میشدیر ، باسقیلار نتیجه سینده وطنی ترک ائتمک زوروندا قالمیشدیر. من کیچیک  بیر قارداش اولارق  غزئته میز آدیندان بو بویوک میللی و علمی شخصییتی  ایتیردیغیمیز اوچون بوتون میللتیمیزه  اونون عائله سینه، دوست و تانیشلارینا تسلیت دئییره م.  دوقتور نورالدین غروی

Gegendarstellungحورمتلی اوخوجولاریمیز                                                                                                                                                                                  یوخاریدا عزیز قارداشیمین دونیاسینی ده ییشمه سی حاقدا وئریله ن بیلدیریش ده  کیمسه یه اهانت ائدیب، گوناهکار توتماق مقصی اولمادیغی حالدا تاسوفله قارداشیمین

حیات یولداشی و قارداش اوغلوم طرفینده ن بیر اعتیراض مکتوبو گلمیشدیر. بیز فیکیر آزادلیغینا ، تنقیده و غزه ته  جیلیک اوصوللارینا صادیق  قالاراق  اونلارین

گوروشلرینی  سیز اوخوجولاریمیزا تقدیم ائتمک ایسته ییریک:                                                                                                   (Gegendarstellung)  

 1ـ قارداشیمین آلماندا توپراغا وئریله سی  قارداشیمین حیات یولداشی نین و قارداش  اوغلومون دئدییی نه گوره  قارداشیمین اوز ایسته یی و وصییتی          

 اساسیندا اولموشدور.  .تاسوفله آنادلیین بیلدیریشینده بو جومله وئریلمه میشدیر. بورادا کیمسه گوناهکار گورولمه سیده ایسته نیلمه میشدیر                     

2ـ قارداشیمین زهیرلنمه سی  حاقدا بیر مدرک  یوخدور. حیات یولداشی نین و قارداش اوغلومون دئدیینه گوره بو آزارلیق( خسته لیک)اینسان                  

   نتیجه سینده اورتایا چیخا بیله ر.                                     mungeschwächten Personen)   وجودونون قوروما دیره نجی (مقاویمتی)نین قیریلماسی    

 اومید ائدیریک کی، بو شکیلده قارداشیمین حورمتلی حیات یولداشی نین و اوغلونون ایستکلرینی و غزئته جیلیک وظیفه میزی یئرینه گتیرمیش اولدوق.                                          آنادیلی