اورتا دوغو پیلانی نین ایکینجی مرحله سی
(وه ایزیس(ایشید ـ داغش
Orta doğu planının ikinci mərhələsi(işid- dağeş)
قاباقکی ایللرده « اورتا دوغو پیلانی ، یوخسا باجعه سی
؟!» باشلیغی آلتیندا یازدیغیمیز یازیدا منطقه ده اویناناجاق
اویونلار گوستریلمیشدیر. ایندی عملده او پیلانین ایکینجی مرحله سی عملی
اولماغا باشلانمیشدیر. البته بئله کوکلو بیر پیلانی حیاتا کئچیرئک اوچون
شراییط یارادیلمالی ، اولوقلار و اولوشوملار(پروچئسلر) بو یولو
هامالامالیدیرلار.بئله لیکله عمومون افکاری بو مسئله یه چنهلمه لی (جلب
ائدیلمه لی) ، نهایتده اویقولاناجاق پیلانین ایجراسی اوچون ذئهنیلر
آماده لین یارادیلمالیدیر..یبئله بیر اویونا بیز واختی ایله
شاهی آپاریب خمئینی نین گتیریلمه سی عرفه سینده شاهید اولموشدوق. او گونده
مئدیادا ایشمیز دواملی خمئینی چوره ک ایدی. بوگون هامان مئدیا
اورتا دوغو پیلانی نین حیاتتا کئچیریلمه سی دوغرولتوسوندا ایشه
سالینمیشدیر. بئله بیر تبلیغاتی ایشه سالماق اوچون بیر عامیلین اولماسی
شرطدیر. بونا گوره ده ایزیس آدلی بیر تئرور دسته سی
افغانیستاندا اولدوغو کیمی اورتا چیخماسی گره کیردی
.
ایلگینج
اولان شئی بودورکی ، بوتون بو مئدیا عالمینده هئچ بیر سوروشان یوخدور کی ،
آمئریکا ، ایسراعیل و غرب دولتلری نین گیزلی سئرویسلری ، حتا گویده
اولان مفتیش لیک اویدولاری(سفینه لری) نیه بونلاری سورییه ده گوره
بیلمه دیلر. بیر صورتده کی آوروپادان اوکرایین سرحدلرینی گوروب ،روس
کمیونلاری نین ، سیلاحلاری نین شکیللرینی چکه بیلیردیلر. یاخود 15
سلنتیمئتر بویوکلویونده اولان بیر یئرین 800 مئتر ده رینلی یینده اولانلاری
تثبیت ائتمه ایمکانلاری اولا ـ اولا نییه بو مدنده سورییه ده بو آغالاری
گوره بیله دیلر. هامیسی عین پالتاردا ، بیر کارخانادان چیخمیش ،
تانینیلماسین دییه اوز ـ گوزلری باغلی ، سورییه اراضی سینده سون مودئل
آمئریکا سیلاحلارینا سارینمیش بو آغالار گوبه لک کیمی یئرده نمی
چیخدیلار. ؟؟! یوخ بیزه گوره چیخمادیلار، عکسینه چیخاریلدیلار. واختی
ایله افغانیستاندادا موجاهیدلرین بیر بولومو افغان پالتاریندا
َئثقینش عسگرلری ایدی. او زاماندا آوروپادان بیر عده نی ییغیب اورا
آپارمیشدیلار. طبیعی دیرکی بئله بیر اویوندا یازیق گوستریلمه سی گره
کن طرفده اولمالیدیر. ایلک باشدا یزیدیلر ایدیلر ، اونلاری قورتاران
دا گویا قهرمان کوردلر اولدولار ،آمما اصیل مظلوم و یازیق خالق
کوردلر اولمالی ایدی. و گوروندوغو کیمی بوگون دونیا وغرب مئدیاسی ایشه
سالینمیش دیر ، بو سببده نده بوتون غرب دونیاسی اونلار سیلاح
یاردیمیندا بولونمالیدیرلار.تاکی سونوندا تازا چیزیلمیش کوردستان
خاریتاسی باشقا میللتلرین اراضی سینده حیاتا کئچیریلسین .تورکن میللتی نین
اراضی سینده ن چیخان نفت سورییه نفتی ایله یاناشی کوردلره
باغیشلانمیش اراضیلر اوزه رینده ن آغ ده نیزه آختاریلسین. ائله بو سببده ن
کوردلره یاردیم مسئله سینده غرب اولکه لری یاریشا چیخمیشلار ، حتا کیچیک
دانمارک و بئلژیک بئله بو اویندا دالی قالئاق ایسته میر جونکی
او نفت دن و کورد بازاریندان اونلاردا پای دوشمه لیدیر .آتالار سوزو
ایله دئسک بوتون داوا مولا نصرالدینین یورقانی نین داواسیدیر.
البته بو
اویوندا ان چوخ اوتوزان تورکیه و آذربایجان اولاجاقدیر. بوگون کوردلره
وئریله ن سیلاحلار بو یولدا خارجاناجاقدیر.یعنی منطقه ده ایکینجی بیر
ایسراعیل ، کوروستان اولاجاقدیر. وئریله ن خاریتانین حیاتا
کئچیریلمه سی اوچونده منطقه ده اوزون وعده لی ساواشلاری اوزو ایله
گتیره جکدیر. طبیعی اولاراق بو ایشده قازانان یئنه غرب سیلاح کارخانالاری
اولاجاقدیر.
ائله بو پیلانین حیاتا کئچیرمک ایسته ینلر واختی
ایله خمینی نی حاکمیته گتیره ن کیمی ، تورکییه ده ده اردوغانی و
آغ پارتی نی حاکمییته گتیریب تورکییه ده سئکولئر تورکییه
جیمهورییتینی و اونون قورویوجوسو اولان تورکییه اوردوسونو یوخ
ائتدیلر. ( بیز سیزی آوروپایا آلاجاییق بونا گوره ده اوردو سیاسته
قاتیلمامالیدیر دییه ) چونکی منطقه ده بو پیلانی حیاتا کئچیرمه نین قارشی
سینی آلا بیله جک تک غئیرالی اوردو تورک اوردوسو ایدی.
بونا گوره ده او یوخ اولمالی ایدی.
گورونورکی اویونو اوینایالار
اویونلارینی یاخشی اوینورلار. ایکی ـ اوچ هفته دن به ری سورییه ده
تورکیه قونشولوغوندا اولان شهرده سوزده ایسلامچیلارلا کوردلرین
ساواشی و یئرلی اهالی نین تورکیه یه سیغینمالاری دونیا خبر آژئنت
لیکلری نین خصوصیله غرب مئدیاسی نین انا خبرینه چئوریلمیشددیر بو
شکیلده تکجه تورکیه ده یوخ، غرب اولکه لرینده کوردلرین اورقانیزه ائدیلمیش
شکیلده کنئچیردیکلری اعتیراض آکسیالاری ایسلامچیلارا قارشی یوخ ایکی
میلیوندان چوخ کورد وه عرب قاچقینینا سیغیناجاق وئره ن ،تورکیه
یه قارشی یونلمیشدیر. هدف تورکییه نی بیر ایچ ساواشا چکیب ایقتیصادییاتینی
داغیتماق، سونوندادا تورکییه نی پارچالاماقدیر تورکیه دن
سونرا ایسه گونئی آذربایجانین جولفادان ـ همدانا قده ر اولان غرب
ایالتلرینی منیمسه مک ، حتاناخجیوان و..قوزئی آذربایجاندان
قوپارماقدیر. طبیعی دیرکی کوردلر اربابلارینا بورجلو قالماق ایسته میرلر
بونا گوره ده کوردوستاندا 3 عسگری پایگاهی امئریکالیلارا وئرمک باره
ده راضیلیغینا گلمیشدیر. البته کی عراق ، سورییه ، و تورکیه نین بو
شکیلده بولونمه سی منطقه ده خصوصیله عراقدا آیری بولونمه لریده اوزو
ایله گتیره جکدیر.
بورادا آنا سوال بودورکی ، بو بویوکلوده پیلانین
حیاتا کئچیریلمه سینده، بیزیم رولوموز نه دیر. بیز نه چاره
دوشونموشوک ، حاضیرلیغیمیز نه قده ردیر ؟ بونلاری دوشوندوکده رحمت لیک
صابیرین سوزو یادیما دوشور. « یاتماق بئله اولماز ، بو اولومده نده به
تردیر.....» یاخود آتا ـ بابالاریمیز دئمیشکن : یاتان اوکوزون باشینا دوران
اوکوز آیری ایش گوره ر !...
هنوز ائرمنی مسئله سینی حل ائده بیلمه
میشیک. ایکینجی بیر شیدتلی آلوو قاپی نین آرخاسیندادیر. بیزلر ایسه سرخوش ،
خورامان راحاتلیقلا ایستراحته مشغولوق. کاشکی سیلکه له نیب بو غفمت
یوخوسوندان اویانیب دورایدیق ، چونکی بو باشقا اویونلارا بنزه مه ز.
تاریخیمیزده میثلی گورونمه میش اوتوزماق عرفه سینده ییک ،َآیاغا قالخیب شرف
، ناموسوموز اولان توپقاغیمیزی قورومالی ییق . سون پئشمانلیقدا
داها به ره بیتیرمییه جکدیر.